ಸೋಮವಾರ, ಮೇ 26, 2025

ಆ ಕಳೆದು ಹೋದ ದಿನಗಳು

ಯಾಕೋ ಗೊತ್ತಿಲ್ಲ,

ಆ ಕಳೆದು ಹೋದ ದಿನಗಳಲ್ಲಿದ್ದ ಮಜಾ, ಈಗ ಇರುವ ಹಾಗೂ ಬರುವ ದಿನಗಳಲ್ಲಿ ಇಲ್ಲ 

I don’t know why,

The joy in those lost days is not there anymore in the present or in the coming days


ಯಾಕೋ ಗೊತ್ತಿಲ್ಲ,

ಶಾಲೆಗೆ ಹೋಗುವಾಗ ಅಮ್ಮ ಮಾಡಿದ ಅವಸರದ ಒಗ್ಗರಣೆ ಅನ್ನದ ಮಜಾ, ಈಗ ಅಚ್ಚುಕಟ್ಟಾಗಿ ಮಾಡಿ ಬಡಿಸುವ ಇಡ್ಲಿ , ದೋಸೆಯಲಿಲ್ಲ 

I don’t know why,

The joy that was there in eating the colored rice cooked by by mom in hurry while going to school, is no more in well prepared idli and dosa


ಯಾಕೋ ಗೊತ್ತಿಲ್ಲ,

ಒಂದು ಹನಿ ನೀರೂ ಇಲ್ಲದೆ ದೂರದ ಮೈದಾನದಲ್ಲಿ ದಿನಪೂರ್ತಿ ಆಡಿದ ಕ್ರಿಕೆಟ್ ನಲ್ಲಿದ್ದ ಮಜಾ, ಈಗ ಬಾಟಲಿ ನೀರು , ಕೂಲಿಂಗ್ ಗ್ಲಾಸ್ , ಬಾಳೆಹಣ್ಣು , ತಲೆಗೆ ಟೋಪಿ ಎಲ್ಲಾ ಇದ್ದು  ಆಡುವ ಟೆನಿಸ್ನಲ್ಲಿ ಇಲ್ಲ 

I don’t know why,

The joy we had playing cricket whole day without thirsting for a drop of water, is no more in the tennis I play now with all amenities


ಯಾಕೋ ಗೊತ್ತಿಲ್ಲ,

ಅಪ್ಪನ ಹತ್ತಿರ ಕಾಡಿ ಬೇಡಿ ಇಸಿದುಕೊಂಡ ಒಂದೆರಡು ರೂಪಾಯಿ ಯಿಂದ ತಿಂದ ಭೇಲ್ ಪುರಿಯ ಮಜಾ, ಈಗ ಐಷಾರಾಮಿ ಹೋಟೆಲಿನಲ್ಲಿ ಕುಂತು ತಿನ್ನುವ ಪಿಜ್ಜಾ ಬರ್ಗರ್ ಗಳಲ್ಲಿ ಇಲ್ಲ 

I don’t know why,

The joy that gave when I used to eat 1 Re bhel-puri which was gotten from Dad after a big tantrum, is no more in the luxurious cuisine i eat at


ಯಾಕೋ ಗೊತ್ತಿಲ್ಲ,

ಹೀರೋ ರೇಂಜರ್ ಸೈಕಲ್ ತುಳಿದು ೩-೪ ಕಿಲೋಮೀಟರ್ ದೂರ ಶಾಲೆಗೆ ಹೋದ ಮಜಾ, ಐಷಾರಾಮಿ ಕಾರಿನಲ್ಲಿ ಕುಳಿತು ಊರೂರು ಸುತ್ತುವುದರಲ್ಲಿಲ್ಲ 

I don’t know why,

The joy i had in peddling the ranger bicycle for 3-4 kms to school, is not to be seen in the luxurious car I drive to the places


ಯಾಕೋ ಗೊತ್ತಿಲ್ಲ,

ವಾರಕ್ಕೆ ರವಿವಾರ ಒಂದೇ ದಿನ ರಜೆಯನ್ನೇ ಆನಂದಿಸಿದ ಮಜಾ, ಈಗಿರುವ ವಾರಕ್ಕೆ ಎರಡೂವರೆ ದಿನಗಳ ರಜೆಯಲ್ಲಿಲ್ಲ 

I don’t know why,

The joy I had in 1 day sunday weekend, isn’t felt in the 2.5 days weekend now


ಯಾಕೋ ಗೊತ್ತಿಲ್ಲ,

ವರ್ಷಕ್ಕೆರಡು ಜೊತೆ ಸಿಗುವ ಬಟ್ಟೆ ಹಾಕಿಕೊಳ್ಳುವುದರ ಮಜಾ, ಈಗ ಮನ ಬಂದಾಗ ಖರೀದಿಸುವ ಬಟ್ಟೆಗಳಲ್ಲಿಲ್ಲ 

I don’t know why,

The joy i had getting a pair of shirts and pants per year, isn’t experienced in-spite of being able to buy every weekend now


ಯಾಕೋ ಗೊತ್ತಿಲ್ಲ,

ಹುಟ್ಟು ಜೊತೆಯಲ್ಲೇ ಬೆಳೆದ ಗೆಳೆಯರ ಬೈಗುಳದಲ್ಲಿರುವ  ಮಜಾ, ಹೆಂಡತಿ ಬಯ್ಯುವ ಮಾತುಗಳಲ್ಲಿಲ್ಲ  

I don’t know why,

The joy i had hearing to the  friends scolding me with bad words, is no where to be found in the scoldings my wife gives me on daily basis 😬


ಗುರುರಾಜ ದೇಸಾಯಿ (ವಚನ ಬ್ರಹ್ಮ)

ಶನಿವಾರ, ಡಿಸೆಂಬರ್ 28, 2024

ಮುಖವಾಡದ ಸಂಬಂಧಗಳು 

-ಶೀಘ್ರವೇ ನಿರೀಕ್ಷಿಸಿ-

 ವ್ಯಕ್ತಿ ಪೂಜೆ 

-ಶೀಘ್ರವೇ ನಿರೀಕ್ಷಿಸಿ-

ಬುಧವಾರ, ಜೂನ್ 5, 2024

ಕನ್ನಡಾಂಬೆಯ ಮಕ್ಕಳು

ಕನ್ನಡಾಂಬೆಯ ಮಕ್ಕಳು ನಾವು 
ಸಾಗರದಾಚೆ ನೆಲೆಸಿಹೆವು ।।
ತವರೂರಿನ ವ್ಯಾಮೋಹವ ತೊರೆಯದೆ ।
ಗೂಡು ಕಟ್ಟಲು ಬಂದಿಹೆವು ।।

ನೆಲ ಜಲ ಕಲೆಯ ಸಿರಿತನಕೆ 
ಬಲವ ಕೊಡುತಲೆ ಸಾಗುವೆವು ।।
ಕನ್ನಡ ನಾಡಿನ ಸಕಲ ವೈಭವವ ।
ಉತ್ತುಂಗಕ್ಕೊಯ್ಯಲು ಶ್ರಮಿಸುವೆವು ।।

ತಾಯ್ನಾಡಿನ ಋಣವನು ಮರೆಯದೆ 
ನವ ಪೀಳಿಗೆಗೆ ಹೇಳುವೆವು ।।
ಸಿರಿಗನ್ನಡ ಭಾಷೆಯ ಕಲಿಸುತ ನಾವು ।
ಕನ್ನಡ ಕಲಿಗಳ ಬೆಳೆಸುವೆವು ।।


ಕನ್ನಡದ ಬಳಕೆಯ ಬೆಳೆಸುವೆವು 
ಸಿರಿಗಂಧದ ಕಂಪನು ಪಸರಿಸುವೆವು 

-
ಗುರುರಾಜ್ - ವಚನ ಬ್ರಹ್ಮ 


ಶುಕ್ರವಾರ, ಏಪ್ರಿಲ್ 12, 2024

ಅಹಂಕಾರಿ ನಾನಲ್ಲ

ಮೇಧಾವಿಗಳ (ಅಹಂಕಾರಿ) ನಡುವೆ ನಮ್ಮದೇನು ಕೆಲಸ

ಅವರ ಸಾಧನೆಗಳ ಮುಂದೆ ನಮ್ಮದೆಲ್ಲ ನೀರಸ

ದವಡೆಗೆ ಮೂಲ, ದೊಡ್ಡವರ ಜೊತೆ ಬಡವನ ವಿರಸ

ಮುಂದುವರೆಯಲಿ ಅವರವರ ಸರಸ

-
ಗುರುರಾಜ್ - ವಚನ ಬ್ರಹ್ಮ

ಮಂಗಳವಾರ, ನವೆಂಬರ್ 23, 2021

ಜವಾಬ್ದಾರಿ

ಪರೋಪಕಾರಿಯಾದರೇನು ಬಂತು
ನಿನ್ನ ನಂಬಿದವರು ನರಳುತಿರಲು 

ಸಂಸಾರ ಮಾಡಿ ಮಕ್ಕಳಾದರೇನು ಬಂತು
ನಿನಗಾಗದಿದ್ದರೆ ಅವರಿಗೆ ನೆಲೆ ಒದಗಿಸಲು 

ತೇರು ಏರಿದರೇನು ಬಂತು
ನಿನ್ನ ಬೇರು ಮರೆತಿರಲು 

ಊರಿಗೆ ನಾಯಕನೆನಿಸಿಕೊಂಡರೇನು ಬಂತು
ನಿನ್ನ ಮನೆಯ ತಳಹದಿ ಅಲುಗಾಡುತಿರಲು 

ಗಳಿಸಿ ದೊಡ್ಡವನೆನಿಸಿಕೊಂಡರೇನು ಬಂತು
ನಿನ್ನ ಪೂರ್ವಾಪರ ಮರೆತು ಅಹಂ ಹೆಚ್ಚಾಗಿರಲು 

ಏನೂ ಸಾಧಿಸದೆ ನನ್ನಿಂದಲೇ ಎಲ್ಲ ಎಂಬ ಜಂಬವಿದ್ದರೇನು ಬಂತು
ಹೊಸ ತಲೆಮಾರು ಪರಿಶ್ರಮಿಸಿ ಫಲ ಬೆಳೆಯುತಿರಲು 

-
ಗುರುರಾಜ್ - ವಚನ ಬ್ರಹ್ಮ 


ಬುಧವಾರ, ಅಕ್ಟೋಬರ್ 27, 2021

ತೂ ಮುಝೆ ವಟ್ಟ್ ಹೋನಾ !

ನಿನ್ನ ಕಂಡ ಕ್ಷಣವು, ಕುಡಿದಂತಾಯ್ತು ಹೆಂಡ !

ತೂ ಮುಝೆ ವಟ್ಟ್ ಹೋನಾ ! 

ಇಲ್ಲವೆಂದರೆ ನಾನಾಗುವೆನು ಭಂಡ !!


ನಿನ್ನ ಕಣ್ಣ ಸನ್ನೆಯೊಂದು, ಎದೆಯಲಿ ಮೂಡಿಸಿದಂತಾಯ್ತು ಕಾಮನ ಬಿಲ್ಲಿನ ಬಣ್ಣ !

ತೂ ಕ್ಯಾ ಭೀ ಕರ್ ಕು ಆನಾ ! 

ಇಲ್ಲವೆಂದರೆ ಚಿಂತೆಯಲಿ ಆಗುವೆನು ಸಣ್ಣ !!


ನಿನ್ನ ಒಪ್ಪಿಗೆಯ ಸೂಚನೆಯು, ಏರಿಸಿದಂತಾಯ್ತು  ಅಟ್ಟದ ಮೇಲಿನ ಉಪ್ಪರಿಗೆಗೆ !

ತೂ ಮೇರಾಚ್ ರೆಹನಾ ! 

ಇಲ್ಲವೆಂದರೆ ಕಣ್ಮರೆಯಾಗಿ  ಹೋಗುವೆನು ಗಪ್ಪಗೆ !!


ವಚನ ಬ್ರಹ್ಮ 

(ಗುರುರಾಜ ದೇಸಾಯಿ)






ಬುಧವಾರ, ಆಗಸ್ಟ್ 11, 2021

ನಿಸ್ವಾರ್ಥ ಹೃದಯಗಳು

ನನ್ನ ನಿನ್ನ ಭಾಷೆಗಳು ಬೇರೆಯಾದರೇನು 

ಕಣ್ಣುಗಳೇ ಮಾತನಾಡಲಿ ಅನುವಾದಕಗಳಾಗಿ 


ನಾನು ನೀನು ದೂರವಿದ್ದರೇನು 

ಹೃದಯಗಳೇ ಮಾತನಾಡಲಿ ದೂರವಾಣಿಗಳಾಗಿ 


ನನಗೂ ನಿನಗೂ ಅಡೆತಡೆಗಳಿದ್ದರೇನು 

ಮನಸ್ಸುಗಳು ಮುನ್ನುಗ್ಗಲಿ ಸೈನಿಕರಾಗಿ 


ನನ್ನದು ನಿನ್ನದು ಅಂತಸ್ತಿನಲ್ಲಿ ಅಂತರವಿದ್ದರೇನು 

ನಮ್ಮಿಬ್ಬರ ಪ್ರೀತಿ ಜಯಿಸಲಿ ಶ್ರೀಮಂತವಾಗಿ 


-

ಗುರುರಾಜ ದೇಸಾಯಿ (ವಚನ ಭ್ರಹ್ಮ)

ಮುಖವಾಡ (Mask)

ಮೊಗವು ನಿನ್ನ ಚರಿತ್ರೆಯ ಮುಖಪುಟವಾದರೆ, ಆ ಕಣ್ಣುಗಳೇ ಶೀರ್ಷಿಕೆಯಿದ್ದಂತೆ !
ಮುಖವಾಡ ಹಾಕಿದರೂ, ಕಣ್ಣ್ಗಳೇ ಸಾಕು ಓದಿ ತಿಳಿಯಲು ನೀನ್ಯಾರು ಎಂದು !!



-
ಗುರುರಾಜ ದೇಸಾಯಿ  (ವಚನ ಬ್ರಹ್ಮ)



ಬುಧವಾರ, ಜುಲೈ 21, 2021

ನನ್ನದ್ಯಾವುದು

ಇಲ್ಲಿ ಯಾವುದು ನೈಜ ಪ್ರೀತಿಯೆಂದು ಭಾವಿಸಲಿ 
ಕಾಂಚಾಣವೆಂಬ ಮಾಯೆಯಿಂದ ಎಲ್ಲವನ್ನೂ ತೂಗುತಿರಲು 
ಈ  ಮುಗ್ಧ ಮನಸ್ಸುಗಳ ನಾ ಹೇಗೆ ತಿದ್ದಲಿ 
ನನ್ನವರೆಂಬ ಭ್ರಮೆ ಅಂಟಿಕೊಂಡಿರಲು 

ಇಲ್ಲಿ ನಾನು ನನ್ನವರೆಂದು ಹೇಗೆ ನಂಬಲಿ 
ಎಲ್ಲರೂ ಬೆನ್ನಿಗೆ ಚೂರಿ ಇರಿಯುತಿರಲು 
ಈ ಬೆತ್ತಲೆ ಜಗಕೆ ನಾ ಹೇಗೆ ಬಟ್ಟೆ ತೊಡಿಸಲಿ 
ದಗಾ, ವಂಚನೆಗಳೆಂಬ ರೋಗ ಮೆತ್ತಿಕೊಂಡಿರಲು 

ಇಲ್ಲಿ ಯಾವುದು ನನ್ನದೆಂದು ಹೇಗೆ ಗುರುತಿಸಲಿ
ಸಂಶಯವೆಂಬ ಭೂತ ಸುತ್ತಿಕೊಂಡಿರಲು  
ಈ ಕತ್ತಲೆ ಜಗದಲಿ ನಾ ಹೇಗೆ ಬೆಳಕು ಚೆಲ್ಲಲಿ 
ಅಂಧಕಾರವೆಂಬ ಕಾರ್ಮೋಡ  ಕವಿದಿರಲು 

-
ಗುರುರಾಜ ದೇಸಾಯಿ  (ವಚನ ಬ್ರಹ್ಮ) 

ಶುಕ್ರವಾರ, ಮಾರ್ಚ್ 5, 2021

ಈ. ವಿ. ಎಂ(ಬ) ಭೂತ


ದೇಶದ್ರೋಹ ಎಸಗಿ ಗಲ್ಲು ಶಿಕ್ಷೆಗೆ ಗುರಿಯಾದವನಿಗಾಗಿ,
ಮಧ್ಯ ರಾತ್ರಿಯಲ್ಲಿ ಬಾಗಿಲು ಬಡಿಯುವ ಪ್ರತಿಪಕ್ಷಗಳೇ,
ನಮ್ಮ ಕಾನೂನು ವ್ಯವಸ್ಥೆಯ ಮೇಲೆ ನಿಮಗೇಕೆ ಅಪನಂಬಿಕೆ!

ಗಡಿಯಿಂದ ಒಳನುಸುಳಿ ಬಂದವರಿಗಾಗಿ,
ಕಾನೂನು ಸೌಲಭ್ಯ ಕೊಡಲು ಮುನ್ನುಗ್ಗುವ ಪ್ರತಿಪಕ್ಷಗಳೇ,
ದೇಶದ ನಾಗರಿಕರ ಮೇಲೆ ನಿಮಗೇಕೆ ಅಪನಂಬಿಕೆ!

370 ಪರಿಚ್ಚೇದ ವಿರೋಧಿಸುವ ನಾಯಕರಿಗಾಗಿ,
ನೈತಿಕ ಬೆಂಬಲ ಘೋಷಿಸುವ ಪ್ರತಿಪಕ್ಷಗಳೇ,
ದೇಶವನ್ನು ಒಗ್ಗೂಡಿಸುವ ನಿರ್ಧಾರದ ಮೇಲೆ ನಿಮಗೇಕೆ ಅಪನಂಬಿಕೆ!

ದೇಶವನ್ನು ಒಡೆಯುವ ಘೋಷಣೆ ಕೂಗಿದ ದೇಶದ್ರೋಹಿ ಯುವಕರಿಗಾಗಿ,
ಅಂಥವರ ಪ್ರತಿಭಟನೆಗಳಲ್ಲಿ ಭಾಗಿಯಾಗುವ ಪ್ರತಿಪಕ್ಷಗಳೇ,
ನಮ್ಮ ಸಾರ್ವಭೌಮತ್ವದ ಮೇಲೆ ನಿಮಗೇಕೆ ಅಪನಂಬಿಕೆ!

ತೆರಿಗೆ ವಂಚನೆ ಮಾಡುವವರ ಬೆಂಬಲಿಸಿ,
ಸರ್ಕಾರ ರಾಜಕೀಯ ಪಿತೂರಿ ಮಾಡುತ್ತಿದೆ ಎನ್ನುವ ಪ್ರತಿಪಕ್ಷಗಳೇ,
ನಮ್ಮ ಅಭಿವೃದ್ಧಿಗಾಗಿ ಶ್ರ್ರಮಿಸುವ ತೆರಿಗೆ ಇಲಾಖೆಯ ಮೇಲೆ ನಿಮಗೇಕೆ ಅಪನಂಬಿಕೆ!

ರೈತರ ಹೆಸರ ಮೇಲೆ ಜನಜೀವನ ಹಾಳುಗೆಡವುವ, 
ಪಟ್ಟ ಭದ್ರ ಹಿತಾಸಕ್ತಿಗಳ ಬೆಂಬಲಿಸುವ ಪ್ರತಿಪಕ್ಷಗಳೇ,
ಬಡವರ ಬಾಳು ಹಸನು ಮಾಡುವ ಕಾನೂನಿನ ಮೇಲೆ ನಿಮಗೇಕೆ ಅಪನಂಬಿಕೆ!

ಮೀಸಲಾತಿಯ ಹೆಸರಲ್ಲಿ ಜಾತಿ ರಾಜಕಾರಣ ಮಾಡಿ,
ನಾವು ಜಾತ್ಯತೀತರೆಂದು ಹೇಳಿಕೊಳ್ಳುವ ಪ್ರತಿಪಕ್ಷಗಳೇ,
ಜನರ ಬುದ್ಧಿವಂತಿಕೆ ಮೇಲೆ ನಿಮಗೇಕೆ ಅಪನಂಬಿಕೆ!

ಬಾಯಿಗೆ ಬಂದಂತೆ ಜನ ವಿರೋಧಿ ಹೇಳಿಕೆ ಕೊಟ್ಟು, 
ಮೂಲಭೂತವಾದಿ, ನಕ್ಸಲ್, ದೇಶ ವಿರೋಧಿಗಳ ಪರ ಮಾತನಾಡುವಂತೆ ಭಾಸವಾಗುವ ಪ್ರತಿಪಕ್ಷಗಳೇ,
ಈ ವಿ ಎಂ ಯಂತ್ರಗಳ ಮೇಲೆ ನಿಮಗೇಕೆ ಅಪನಂಬಿಕೆ!

---

ನೀವು ಮಾಡುವದನ್ನು ಜನ ನೋಡಿ, ಅವಲೋಕಿಸಿ, ನಿರ್ಧರಿಸಿ ಮತದಾನ ಮಾಡಿದಾಗಲೇ ನಿಮ್ಮ ಸೋಲಾಗುತ್ತಿರುವುದೇ ಹೊರತು,
ಈ ವಿ ಎಂ ಯಂತ್ರಗಳ ತಾಂತ್ರಿಕ ದೋಷಗಳಿಂದಲ್ಲ!!!

ಇದನ್ನು ಅರಿತು ತಿದ್ದಿಕೊಂಡರೆ ರಚನಾತ್ಮಕ ಪ್ರತಿಪಕ್ಷ ಎಂದೆನಿಸಿಕೊಂಡು ಮುಂದೊಂದು ದಿನ ಜನರ ಸೇವೆ ಮಾಡುವ ಅವಕಾಶ ದೊರೆಯಬಹುದು!!!

-

ಗುರುರಾಜ್ ದೇಸಾಯಿ
ಅನಿವಾಸಿ ಭಾರತೀಯ, ಕ್ಯಾಲಿಫೋರ್ನಿಯಾ   



ಮಂಗಳವಾರ, ಜನವರಿ 19, 2021

ಗಂಟು ಮೂಟೆ

ಹೊತ್ತು ಪದವಿ ಎಂಬ ಬಂಡವಾಳವ 

ದೂರದೂರಿಗೆ ಹೊರಟೆ ಕಟ್ಟಿ ಗಂಟು ಮೂಟೆ!

ಹೊತ್ತು ಆಸೆ ಎಂಬ ಹಂದರವ
ತಿರುಗಿಸುತ ಸಾಗಿದೆ ಕಾಯಕದ ರಾಟೆ!

ಹೊತ್ತು ಹಠವೆಂಬ ಛಲವ
ಆಡುತ ಸಾಗಿದೆ ವೃತ್ತಿಯ ಬೇಟೆ!

ಹೊತ್ತು ಟೊಳ್ಳು ಕಲ್ಲು ಹೃದಯವ!
ಹೊಡೆಯದೇ ಸಾಗಿದೆ ಸರಳತೆಯೆಂಬ ರಂಟೆ!

ಹೊತ್ತು ವಿಲಾಸಿ ಜೀವನ ಶೈಲಿಯ
ಬಾರಿಸುತ ಸಾಗಿದೆ ಅಹಂಕಾರ ಎಂಬ ಜಾಗಟೆ!

ಹೊತ್ತು ಕಣ್ಣಿಗೆ ಬಣ್ಣದ ಕನ್ನಡಕವ
ತೀರಿಸಿಕೊಳ್ಳುತ ಸಾಗಿದೆ ಅಜ್ಞಾನವೆಂಬ ತೀಟೆ!

ಹೊತ್ತು ಸಾಲವೆಂಬ ಭೂತವ
ಕಳೆಯುತ ಸಾಗಿದೆ ಕೂಡಿಟ್ಟ ಹೊನ್ನ ಕುಡಿಕೆ!

ಹೊತ್ತು ನಿರುಪಯೋಗಿ ದೇಹವ
ತುತ್ತು ಅನ್ನಕ್ಕಾಗಿ ಸುತ್ತುತ್ತಿರುವೆ ಊರ ಪೇಟೆ!!



- ಗುರುರಾಜ್ ದೇಸಾಯಿ 

ಮಂಗಳವಾರ, ಡಿಸೆಂಬರ್ 22, 2020

ಓ ಪ್ರೀತಿಯೇ !!!



ಓ ಪ್ರೀತಿಯೇ ನೀನೆಷ್ಟು ಕುರುಡು 

ನೀ ಹುಟ್ಟಲು ಬೇಕು ಜೀವಗಳು ಎರಡು 

ನೀನಿಲ್ಲದೆ ಅವುಗಳ ಬಾಳು ಬರಡು !


ಓ ಪ್ರೀತಿಯೇ ನಿನ್ನಲ್ಲಿ ಕಟ್ಟಳೆಗಳಿಲ್ಲ 

ನಿನಗೆ ಸಲಿಂಗಿ, ದ್ವಿಲಿಂಗಿ ಎಂಬ ಬೇಧವಿಲ್ಲ 

ನೀನಿಲ್ಲದೆ ಈ ಜಗದೊಳು ನಶ್ವರವೆಲ್ಲ !


ಓ ಪ್ರೀತಿಯೇ ನೀನೆಷ್ಟು ಅಗೋಚರ 

ನಿನ್ನ ಅರಿತು ನಡೆದರೆ ಆಚಾರ 

ನಿನ್ನ ಜಗಕೆ ಉಣಬಡಿಸಿದರೆ ಸ್ವರ್ಗ ಎಂಬುದು ನನ್ನ ವಿಚಾರ !


ಓ ಪ್ರೀತಿಯೇ ನೀನೆಷ್ಟು ಜನರಿಗೆ ಸ್ಫೂರ್ತಿ 

ನಿನ್ನ ಇರುವಿಕೆಯಿಂದಲೇ ಅವರ ಜೀವನ ಪೂರ್ತಿ 

ನಿನ್ನ ಎಲ್ಲರೂ ಅಳವಡಿಸಿಕೊಂಡರೆ ಇಡೀ ಮಾನವ ಕುಲಕೇ ಕೀರ್ತಿ !!!


ಪ್ರೀತಿಯಿಂದ,

ಗುರುರಾಜ್



ಶುಕ್ರವಾರ, ಡಿಸೆಂಬರ್ 11, 2020

ಮಾತು ಕೇಳಲಿಲ್ಲ

ಅವ್ವ ಹೇಳಿದಳು ಹೊರಗ ಹೋಗಬ್ಯಾಡ,
ಅಲ್ಲಿ ಅಯ್ತಿ ದೆವ್ವ
ನಾ ಅವಳ ಮಾತು ಕೇಳಲಿಲ್ಲ !

ಶಿಕ್ಷಕರು ಹೇಳಿದರು ಪಾಠದ ಮಧ್ಯ ಮಾತಾಡ್ಬ್ಯಾಡ
ನಿನಗ ಅಯ್ತಿ ಶಿಕ್ಷೆ
ನಾ ಅವರ ಮಾತು ಕೇಳಲಿಲ್ಲ !

ಸ್ವಾಮಿಗೋಳು ಹೇಳಿದರು ಅತೀ ಆಸೆ ಮಾಡ್ಬ್ಯಾಡ
ನಿಂದೇನು ಇಲ್ಲ ಇಲ್ಲಿ ಸ್ವಾಮ್ಯ
ನಾ ಅವರ ಮಾತು ಕೇಳಲಿಲ್ಲ !

ಪರಿಸರ ಹೇಳಿತು ನನ್ನನ್ನ ಹಾಳು ಮಾಡಬೇಡ
ಅಪಾಯದ ಮೂಲವೇ ನಿನ್ನ ಅವಸರ
ನಾ ಅದರ ಮಾತು ಕೇಳಲಿಲ್ಲ !

ನಾವು ಹೇಳಿದೆವು ನೀ ಮನುಕುಲಕ್ಕೆ ಅಂಟಬೇಡ
ಇದರಿಂದ ಆಗುತ್ತಿದೆ ಸಾವು-ನೋವು 
ಕೊರೋನಾ ನಮ್ಮ ಮಾತು ಕೇಳಲಿಲ್ಲ  !!!

- ಗುರುರಾಜ್ ದೇಸಾಯಿ 

ಬುಧವಾರ, ಡಿಸೆಂಬರ್ 9, 2020

ಆಯಿತು ವಯಸ್ಸು ಮೂವತ್ತೇಳು!

ಮನಸ್ಸು ಹೇಳಿತು ಏಳು, ಎದ್ದೇಳು !

ಮಾಡಿದ್ದಾಯಿತು ಗಣಕ ಯಂತ್ರ ಕುಟ್ಟಿ ಹಾಳು !

ಹಚ್ಚಿಕೋ ಕನ್ನಡ ತಾಯಿ ಸೇವೆ ಮಾಡುವ ಗೀಳು !!!
















-
ಗುರುರಾಜ್ ದೇಸಾಯಿ