ಮಂಗಳವಾರ, ಜನವರಿ 19, 2021

ಗಂಟು ಮೂಟೆ

ಹೊತ್ತು ಪದವಿ ಎಂಬ ಬಂಡವಾಳವ 

ದೂರದೂರಿಗೆ ಹೊರಟೆ ಕಟ್ಟಿ ಗಂಟು ಮೂಟೆ!

ಹೊತ್ತು ಆಸೆ ಎಂಬ ಹಂದರವ
ತಿರುಗಿಸುತ ಸಾಗಿದೆ ಕಾಯಕದ ರಾಟೆ!

ಹೊತ್ತು ಹಠವೆಂಬ ಛಲವ
ಆಡುತ ಸಾಗಿದೆ ವೃತ್ತಿಯ ಬೇಟೆ!

ಹೊತ್ತು ಟೊಳ್ಳು ಕಲ್ಲು ಹೃದಯವ!
ಹೊಡೆಯದೇ ಸಾಗಿದೆ ಸರಳತೆಯೆಂಬ ರಂಟೆ!

ಹೊತ್ತು ವಿಲಾಸಿ ಜೀವನ ಶೈಲಿಯ
ಬಾರಿಸುತ ಸಾಗಿದೆ ಅಹಂಕಾರ ಎಂಬ ಜಾಗಟೆ!

ಹೊತ್ತು ಕಣ್ಣಿಗೆ ಬಣ್ಣದ ಕನ್ನಡಕವ
ತೀರಿಸಿಕೊಳ್ಳುತ ಸಾಗಿದೆ ಅಜ್ಞಾನವೆಂಬ ತೀಟೆ!

ಹೊತ್ತು ಸಾಲವೆಂಬ ಭೂತವ
ಕಳೆಯುತ ಸಾಗಿದೆ ಕೂಡಿಟ್ಟ ಹೊನ್ನ ಕುಡಿಕೆ!

ಹೊತ್ತು ನಿರುಪಯೋಗಿ ದೇಹವ
ತುತ್ತು ಅನ್ನಕ್ಕಾಗಿ ಸುತ್ತುತ್ತಿರುವೆ ಊರ ಪೇಟೆ!!



- ಗುರುರಾಜ್ ದೇಸಾಯಿ