ಶುಕ್ರವಾರ, ಡಿಸೆಂಬರ್ 11, 2020

ಮಾತು ಕೇಳಲಿಲ್ಲ

ಅವ್ವ ಹೇಳಿದಳು ಹೊರಗ ಹೋಗಬ್ಯಾಡ,
ಅಲ್ಲಿ ಅಯ್ತಿ ದೆವ್ವ
ನಾ ಅವಳ ಮಾತು ಕೇಳಲಿಲ್ಲ !

ಶಿಕ್ಷಕರು ಹೇಳಿದರು ಪಾಠದ ಮಧ್ಯ ಮಾತಾಡ್ಬ್ಯಾಡ
ನಿನಗ ಅಯ್ತಿ ಶಿಕ್ಷೆ
ನಾ ಅವರ ಮಾತು ಕೇಳಲಿಲ್ಲ !

ಸ್ವಾಮಿಗೋಳು ಹೇಳಿದರು ಅತೀ ಆಸೆ ಮಾಡ್ಬ್ಯಾಡ
ನಿಂದೇನು ಇಲ್ಲ ಇಲ್ಲಿ ಸ್ವಾಮ್ಯ
ನಾ ಅವರ ಮಾತು ಕೇಳಲಿಲ್ಲ !

ಪರಿಸರ ಹೇಳಿತು ನನ್ನನ್ನ ಹಾಳು ಮಾಡಬೇಡ
ಅಪಾಯದ ಮೂಲವೇ ನಿನ್ನ ಅವಸರ
ನಾ ಅದರ ಮಾತು ಕೇಳಲಿಲ್ಲ !

ನಾವು ಹೇಳಿದೆವು ನೀ ಮನುಕುಲಕ್ಕೆ ಅಂಟಬೇಡ
ಇದರಿಂದ ಆಗುತ್ತಿದೆ ಸಾವು-ನೋವು 
ಕೊರೋನಾ ನಮ್ಮ ಮಾತು ಕೇಳಲಿಲ್ಲ  !!!

- ಗುರುರಾಜ್ ದೇಸಾಯಿ 

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ